Saturday 25 May 2019

Ticket sale

https://filarmonicadelugo.com/formaantiqva/

Links

https://filarmonicadelugo.com/formaantiqva/

Facebook

Ver evento en Facebook

More information

XLVII Semana de Música do Corpus – Festival Cidade de Lugo
Sábado, 25 de maio de 2019 – Círculo das Artes de Lugo, 20:30 h

ROSA DEL CIEL
Un viaje por las emociones del Barroco en un prólogo y cinco actos

Eugenia Boix, soprano

FORMA ANTIQVA
Alejandro Villar, flautas de pico
Jorge Jiménez y Pablo Prieto, violines
Ruth Verona, violonchelo
Pablo Zapico, guitarra barroca

Aarón Zapico, clave y dirección

NOTAS AL PROGRAMA
O seicento italiano é unha fábrica que non cesa na súa frenética produción. Baixo o estandarte da Nova Música ponse en tela de xuízo as bases da música occidental e ten lugar un dos cambios profundos máis radicais na historia da música. Os ingredientes de espontaneidade, fantasía e liberdade copan a fabricación de novos instrumentos, a invención de formas musicais e, en definitiva, unha nova vía de expresión na que as palabras son donas da harmonía. Os afectos apodéranse do compositor no seu afán de conmover ao espectador.

Este estilo novidoso e moderno de facer música favorece os afectos extremos, que ían dende a dor violenta á alegría exuberante, en contraposición ao comedimento e sinxeleza do xa caduco Renacemento. A representación destes estados precisa dun vocabulario máis rico que sacuda os fundamentos harmónicos, melódicos e rítmicos da propia música. Estes renovadores fundamentan os seus preceptos na Antigüidade e, así, o discurso musical pasa a seguir as directrices de Cicerón de ensinar (docere), deleitar (delectare) e conmover (movere) a través do afecto colérico, sanguíneo, melancólico e flegmático. Italia alumeara unha nova época.

Imbuídos desta revolución e inventiva, presentamos un programa que pretende ser un percorrido por esta época fascinante. Para iso, e seguindo a estrutura das primeiras óperas cortesás, organizamos as obras musicais nun prólogo e cinco actos. A imaxinaria acción transcorre en Venecia, a principios de 1600, e o noso unívoco personaxe desdobrará a súa psique ao ditado do afecto. O desprezo, a melancolía, a batalla, o lamento e o perdón serán os recoñecibles lastros dunha calzada que nos levará de viaxe ao noso interior.

A música extravertida e descritiva de Falconieri, grave e solemne nas introducións en antigo estilo de Monteverdi, divertida e espontánea en Merula e Uccellini ou máis profunda no caso de Marini son o armazón que sostén o programa. Exemplos característicos dunha linguaxe, o instrumental, cuxas formas aínda se están explorando e a linguaxe harmónica aínda se remove inquedo na tonalidade. A polaridade das voces extremas, cun acompañamento (o Baixo Continuo) en verdadeira explosión creativa improvisada e uns instrumentos ornamentais que flotan virtuosos reforzan o carácter da peza vocal á que preceden ou conclúen. Son obras coidadosamente elixidas para preparar ao oínte no verdadeiramente importante: a palabra.

E é que son os arrepiantes textos dos lamentos de Monteverdi, o de Arianna e Disprezzata Regina, onde encontraremos a máis pura esencia da poesía posta en música. A palabra coloreada e o afecto descarnado. Como contrapunto necesario a esta tensión aparece unha rítmica aria estrófica (Vi ricorda, o bosch’ombrosi), deliciosas canzonette con milagrosa economía de medios (Si dolce é’l tormento e Se l’aura spira) ou unha activa e guerreira aria do xenio do teclado, Girolamo Frescobaldi (Così mi disprezzate). Capítulo aparte merece Barbara Strozzi e a súa Lagrime mie. Filla bastarda, madre solteira, virtuosa do canto, compositora audaz e empresaria de éxito, é a súa unha das personalidades máis fascinantes da época. Como é norma en Forma Antiqva, a interpretación destas obras descansa nun equilibrio entre a investigación das fontes e prácticas da época, con coidadas e propias edicións musicais para o seu uso en concertos, e o emprego imaxinativo e creativo non só dos recursos idiomáticos dos diferentes instrumentos senón do talento e personalidade do intérprete.

Aarón Zapico.

Awards

Premios MIN de la Música Independiente - Mejor Álbum de Música Clásica 2018 para «Concerto Zapico Vol. 2»

NPR Music's Best Classical Albums Of 2018 para «Concerto Zapico Vol. 2».

Premio GEMA al Mejor Grupo de Música Barroca (s. XVIII) y del Clasicismo 2016.

Premio GEMA a la Mejor Producción Discográfica 2016 por "Crudo Amor - Agostino Steffani" (Winter & Winter).

"Asturiano del Mes" del periódico La Nueva España, Excelente Audio Clásica, Excepcional Scherzo, Goldberg 4 estrellas, "Grupo del Año 2010" de la TV del Principado de Asturias, Melómano de Oro, Nomination ICMA 2011, 2012 & 2014, Prelude Classical Music, "Premios de la Música en Asturias" 2012, Premio Serondaya a la Innovación Cultural 2012, Recomendado CD Compact, Ritmo Excelente, Supersonic Pizzicato.

Partners

Contact

Universo Zapico
gerente@universozapico.com
www.universozapico.com

(+34) 657 987 290
c/ Ramón y Cajal, 18 - 3º Izq.
33900 Langreo, Asturias (Spain)

Aviso legal

Información y aviso legal